Virginem mire pulcritudinis

sole illustratam

ac matrem summi luminis

pro regali progenie natam prophetis olim predicatam collaudemus canticorum melodia dulcique cum symphonia,

cum cythara prosodia. Casta Maria

cum prole pia

ac preclarissima

Jesu qui es vera via.

Quem presentaverat Simeon in ulnis altari dominico

hic post modum hosti iniquo predam abstulit

et die quadragesima in celum tulit discipulos elegit quos quadriferiali instruiit officio.

O benedicta es inter mulieres plena gracia propicia

ferens tutamen

sis consolamen

ut cum celicolis

in eternum psallamus. Amen.