Çipe çipa baranê
Dibare ji ezmanê
Baranê ha bibare
Pirke ava rûbare
Baranê hema hema
Tijîke ava çema
Ava çiya û çola
Zeviyên deşt û dola
Şînke genim û giya
Gulên xweşik geliya
Qaz qulingên arana
Difirin diçin zozana
Gulnewroz û kereng
Hin zû dertên hin dereng
Sping li gel tirşokê
Şîn dibin li devê cokê
Ewrên te bi gurîn in
Kovark serî derxînin
Kar û berx diçin çerê
Çîvik bixwînin li her derê
Çipe çipa baranê
Dibare ji ezmanê
Baranê ha bibare
Pirke ava rûbare